Soat

MUSA JALIL

Soat qilar: dong, dong!..

Xabar berar tongdan.

Bog‘chamizga borishga

O‘n besh minut qolgan.

Sakrab turadi Murod,

Ko‘radi ishlar xarob.

Yana kechikib qolgan -

Dong qotib uxlab.

Soat yuradi: chiq-chiq!..

Sen bog’chaga, yo‘lga chiq.

Murod unga yalinar:

- To‘xta, bir oz kutsang-chi!..

Soat der: ding-dinglayman,

Men to‘xtab turolmayman.

Bundan keyin „jing-zin"!

Menga qarab yurgin!

Tatarchadan M. BOBOYEV

tarjimasi.