JAJJI ASKAR VA OTA

Jajji askar va ota

Dilida orzu, maqsad,

Yurtiga sodiq farzand.

Bo‘lmoqchi yurt posboni,

Jajji o‘zbek o‘g‘loni.

Unga baxsh etardi kuch,

Vatan oldidagi burch!

Ota deydi: – Bo‘l omon,

Tinchlikni saqla hamon!

Oy borib, omon qaytgin.

Mardlar qo‘shig‘in aytgin.

Kurashlarda tikib jon,

Dushmanga berma imkon.

Vatanning tinchi uchun!

Farovon erki uchun!

Bo‘l bahodir, qahramon!

Ulug‘lar seni zamon.

– O‘qib, ulg‘ayib durkun,

Xursand qilaman bir kun!

Daryo – dadajonimni,

Oftob – ayajonimni.

Yurtga sodiq bo‘laman,

Albat, askar bo‘laman!