"G‘uncha" o‘qir jo‘jalar

Oktyabr oxirladi,

Kunlar sovuq.

Uychasida ota Xo‘roz,

Ona Tovuq.

Jo‘jachalar qilar hamma

Uy ishlarni.

Supur-sidir, hattoki,

Choy quyishlarni.

So‘ngra bari o‘tirishar

Dondan cho‘qib.

Eng sevimli mashg‘uloti —

“G‘uncha” o‘qib.

Bolajonlar, polaponlar

Qilmas sho‘xlik.

Biram dono, biram shirin,

Biram ko‘hlik.

Ko‘rgan aytar: odoblidir

Buncha, deydi.

Bolasiga: “Sen ham o‘qi

“G‘uncha”, deydi.